Category Archives: teknologia

Telegram, Whatsapp-aren klona software librean

Azken astean asko eta asko ari da Telegram aplikazioari buruz hitz egiten eta idazten. Eztabaida interesgarri batzuk ere sortu dira, ea segurtasun aldetik esaten den bezain segurua ote den, eta baita ere software librearen ikuspegitik, ea hau den behar genuen soluzioa. Teknikoa ez bazara, seguru eztabaida honek aspertu egingo zaituela beraz gai hau bukaerako lagako det.

Joan zen astean, aplikazio honi buruz informazioa zabaltzen hasi eta egun gutxitara jakin genuen jada euskaratuta zegoela. Pentsatu eta egin. Bitarlan eta Gaueko enpresetako lagunek di-da batean euskeratu zuten eta albistea berehala zabaldu zen sare sozialetan. Izan ere, eta aplikazio ofizialean oraindik publikatu ez duten arren, beraien zerbitzarietan Telegram euskeraz deskargatzeko aukera jarri zuten.

Eta zergatik erabili Telegram Whatsapp daukagunean ?

Galdera ederra. Lehenik eta behin: ez pentsatu bata ala bestea denik, biak izan ditzakezu. Nire iritsiz:

Telegram aplikazioaren aldeko arrazoiak:

  • Software Librea da: Honek esan nahi du bere kodea ikusi eta aztertu nahi duen edozeinek bere eskura duela. Noski, hau egin ahal izateko informatikaria izan beharko zara, baina ziur egon hainbatek begiratu dutela eta begiratzen ari direla, eta zerbait “arraroa” egongo balitz, denok jakingo genukeela. Whastapp-en kasuan, bere kodeak “benetan” zer egiten duen ezin jakin, kodea itxia baitago.
  • Doakoa da. Egia esan Whatsapp ere doakoa dela esan genezake, 0.80€ urtean ez baita dirua. Baina ordaindu beharra askorentzako arazoa izaten da, ez baitakite nola ordaindu. Ez dira fidatzen VISA batekin ordaintzera, ez dute paypal ….., gustura ordainduko lukete baina ez dakite nola demontre ordaindu euro hori !! Telegram-ekin ez dago horrelako “arazorik”.
  • Txat sekretuak: Hau bai abantaila dela Whatsapp-ekin alderatuta. Bi lagunen arteko (taldeentzat ez du balio) txat sekretu bat egiteko aukera ematen dizu, eta hor konfiguratu daiteke bidaltzen diren mezuak zenbateko bizi iraupena izango duten. Minutu batekoa dela esaten badezu, mezu (edo argazki, bideo …) bat bidali eta minutu batera telefono bietan (bidali duenarena eta jaso duenarena) mezua automatikoki ezabatzen da. Jasotzaileak mezua ikusten duenean hasten da minutu hori kontatzen, ez lehenago. “El mensaje se autodestruirá en 5, 4, 3, 2, 1, 0”
  • Bideo eta argazkiak ez dira telefonoaren Galeriara zuzenean joaten. Orain arteko ezaugarriak jada ezagunak dira, baina honi buruz ez det ezer irakurri, eta niretzat oso ezaugarri ona da. Whatsapp-en kasuan, zure kontaktuek (edo taldeetako lagunek) argazki eta bideoak bidaltzen dizkizutenean, deskargatu eta berehala telefonoko multimedia galerian ikusten dira. Agian zuk ez duzu oraindik Whatsapp-en begiratu, baina elementua deskargatu da eta zure galerian dago, zure argazki pertsonalen alboan. Whatsapp-etik gaur egun “edozer” bidaltzen denez, batzuetan eduki “ez egoki” asko jasotzen da, eta eduki hori zure galerian dago begi bistan. Telegram aplikazioan hau ez da gertatzen. Talde edo txat bakoitzak bere galeria propioa du, elementuak hor geratzen dira eta ez dira ikusten telefonoaren galerian zuk ez badezu nahi. Noski, nahi izanez gero aukera ematen dizu elementu bat galeriara bidaltzeko.
  • Segurtasuna: Adituek diotenez, Whatsapp erabiltzen duzunean ez da oso zaila esaten ari zarena espiatzea, komunikazioaren segurtasuna ez delako bere alde indartsuena. Telegram aplikazioaren segurtasuna askoz hobeagoa dela diote. Apurtu ezina ? hori asko esatea da, baina Whatsapp-ekin alderatuz, askoz hobeagoa.

Nik probatzera animatzen zaituztet !!

Informazioa euskal hedabideetan

Eztabaida teknikoa

Telegram librea izan arren, software librearen defendatzaileen artean ere badago eztabaida. Software honi leporatzen zaio (eta hortan arrazoia dutela pentsatzen det) ez duela lehendik dauden protokolo estandarrak erabiltzen. Honek zer arazo ekartzen ditu ? ba aplikazio guzti hauek protokolo estandarrak erabiliko balituzte, Whatsapp erabiltzen duen batek Telegram erabiltzen duen beste bati mezu bat bidaltzeko aukera izango lukeela. Bakoitzak bere komunikazio protokoloa erabiltzen duenez, aplikazioak beraien artean ez dira ulertzen. Esate baterako, batek txinoz hitz egiten du, eta besteak alemanieraz, beraz ezin elkar ulertu. Protokolo berdina erabiliko balute hizkuntza berdina hitz egiteko gai izango lirateke, eta Whatsapp edo Telegram edo Gtalk edo Pidgin edo DenaDelakoa erabili ahal izango genuke, bakoitzak bere gustokoa, baina denok “hizkuntza” estandar bat erabiliz komunikatzeko moduan.

Bai, argumentazio horrekin guztiz ados. Baina pragmatikoa izanik, eta gaur egun egoera horretan ez gaudela jakinik, Whatsapp eta Telegram artean, nahiago Telegram.

Gai teknikoei buruz hemen informazio gehiago:

Scratch-ekin lehen urratsak ematen

Scratch umeei bereziki zuzendutako aplikazio informatikoa da. Ezaugarri oso interesgarriak ditu, eta horregatik hasi naiz honekin jolasten. Oraindik beta fasean dagoen nire lehen jolasa aurkezten dizuet, ea zer iruditzen zaizuen.

Sorgina Piruliña oso okerra da, eta geziren batek jotzen dioenean, edozer botako du. Kontuz, zerbaitek daletzen badizu, bizitza bat kenduko dizu eta !!

  • Gizontxoa mugitzeko: a eta s erabili
  • Apuntatzeko: Eskuin eta ezkerreko geziak
  • Gezia jaurtitzeko: Espazioko tekla (zuriunea)

50 gezi dituzu, horiek bukatzen direnan jokua bukatzen da. Zure punterixa nolakoa den jakitzeko markadorea ere badezu, apuntatu ondo. Ea zenbat puntu lortzen dituzun.  🙂

Scratch Project

Scratch eguneko gunean irakurri dezakezuen informazioaren zati bat jartzen dizuet. Auskalo, agian ez dago urruti Mutrikun ospatuko den lehen Scratch Eguna.

Aplikazio honek, interfaz errez baten bitartez ordenagailuen programazioari lotutako kontzeptuak ikertzeko eta esperimentzatzeko aukera eskeintzen du. Scratchek ikasgelan, besteak beste, hurrengo aukerak eskaintzen ditu:

  • Pentsakera logiko eta algoritmikoa garatzea
  • Era ordenatuan eta metodikoan arazoak ebazteko metodoak garatzea
  • Nork bere lanari buruzko autodiagnosia egiteko ohitura garatzea
  • Nork bere ideiak zalantzan jartzeko ahalmena garatzea
  • Abiapuntu sinpleetatik emaitza konplexuak lortzeko aukera
  • Norberaren gaitasunen arabera, erritmo egokian lan egiteko aukera
  • Kontzeptu matematikoak ikasi eta bereganatzeko/barneratzeko aukera: koordenatuak, aldagaiak, algoritmoak, ausazkotasuna
  • Programazioaren oinarriak ikasteko aukera
  • Baliabide desberdinak erabiltzeko aukera: soinuak, irudiak, testuak, grafikoak…
  • Ezagutzaren trukearen bitartez elkarrekiko ikasketa ahalbideratzea
<a href=’http://scratch.mit.edu/projects/parreitu/2451830′><img src=’http://scratch.mit.edu/static/projects/parreitu/2451830_med.png&#8217; width=’425′ height=’319′ alt=’Scratch Project’></a>

“Mutrikuko Udala informatuz!” … Eta Internet ?

 

Gaur Mutriku osoa ohar honekin josita ikusi dugu.

2011-10-25 17.21.43

Udal taldeak lanean jarri zenetik 100 egun pasa direla eta, Zabiel Kultur Etxera deitzen digu herritar guztioi beraien lanaren berri ematera. Ondo dago nere ustez zer egin duten eta zer ezin izan duten egin herriari jakitera ematea.

Hau ikusi, eta galdera etorri zait burura: “Mutrikuko Udaleko web gunean jarriko al zuten deialdia ?” Zoritxarrez, espero nuen erantzuna aurkitu det: ez, web gunean ez dago ezer honi buruz.
MutrikukoUdala-2011-10-25

Ez dakit beste herrietan, baina Mutrikuko kasuan hau arazo endemikotzat jo dezakegu. Ez da gaur egun dugun udal taldearekin bakarrik gertatzen, lehendik egon diren guztiekin ere berdina gertatu izan da, kolore desberdinetako taldeak, baina Internet-ekin jokabide berdintsua.

Denok dakigu ate guztietan oharrak jarrita biztanle guztiok jasoko dugula mezua, baina horrek ez du kentzen honelako gauzak Udalak duen web gunean publikatu ezin daitezkeenik. Helburua mezua ahalik eta gehien zabaltzea bada, zergatik ez bide hau “ere” erabili ?

Egia esan behar badet, neri amorru dexente ematen dit talde politiko “guztien” jokaera den hau: hauteskunde garaietan inor baino modernoagoak direla pentsa dezakegu: sare sozialak erabiltzen dituzte, edozein politikok bere bloga du, youtubera bideoak igotzen dira, …., demaseko mugimendua ikus dezakegu Interneten, baina zoritxarrez hori azkar itzaltzen den argia izaten da …

Hauteskundeetako garai horretan, helburu konkretu horretarako denak konturatzen dira Internet komunikazio tresna itzela dela, baina gero badirudi ahaztu egiten zaiela. Zergatik ? Ba benetan ez dutelako ikusten komunikazio bide hau, ez dutelako sentitzen tresna honek daukan garrantzia. Hauteskundeetarako agian norbaitek (alderdi politiko bakoitzeko komunikazio goi arduradunak edo …) esaten die hori erabili behar dutela, baina gero ahaztuta geratzen da.

Internet, komunikatzeko tresna

Bai, Internet definitzeko era asko egongo dira, baina konturatzen bagara Interneten erabiltzen ditugun tresna gehienak komunikatzeko dira: posta elektronikoa, txatak, blogak, sare sozialak, bideoak, …., oso era merkean demaseko eragina lortzen duten tresnak dira.

Eta nola erabili dezake Mutriku bezelako herri txiki batek tresna guzti hauek ? Ba oso erraza da, ez du gain kosturik, eta ez du orain egiten den lana baino gehiago eskatzen. Nik hemen zenbait ideia botatzera noa, baina hortaz aparte seguru gauza asko ere egin daitezkeela:

  • Mutrikuko web gunea egiteko aukeratu zen teknologia oso ona denez, Udalak nahi duen informazio guztia bertan publikatu dezake, bakoitza dagokion atalean.
  • Atal bakoitzean publikatzen diren albisteetan hala nahi izan ezkero, herritarron erantzunak ere jaso daitezke, herri partaidetza bultzatuz. Erantzunak publikatuta ikusi aurretik, norbaitek moderatu ditzake.
  • Atalka, edo gune osoa hartuta, publikatzen diren albisteak posta elektronikoz bidaltzerik ere egongo litzateke. Web gunean informazioa publikatu eta berehala arpidetuta dagoen herritar bakoitzak bere postontzi elektronikoan jasoko luke.
  • Alkateak bere bloga izan ahal izango luke, bera zuzenean herriari zuzentzeko behar denean erabiltzeko . Alkateak esan det, baina posible litzateke ere talde politiko bakoitzak bere komunikazio gunea izatea Udaleko web gunean.
  • Hile honetan bertan Hitzan irakurri ahal izan dugunez Udalak herritarroi batzordeetan parte hartzeko deia egin digu . Ez da ideia txarra herritarron inplikazioa bilatzea, baina nik hor zerbait gehituko nuke: jendearen inplikazioa lortzea ez da lan erraza izaten, baina agian errazago izango litzateke batzordeetan egiten den lanaren berri web gunean egongo balitz. Demagun bederatzi batzorde daudela; bakoitzak webean bere txokoa izango balu, hartzen diren erabakiak, jorratzen diren gaiak, eta abar euren txokoan publikatuz, agian norbaitek hori bere interesekoa dela ikusi eta animatuko litzateke. Ez dela inor animatzen ? Ba gutxienez informazio hau publikatuz komunikazioa asko hobetuko litzateke, hori behintzat irabazita.

 

Ikusten dezuenez hauek adibideak baino ez dira, baina gaur egungo egoera zein den ikusita, asko hobetu daitekeela argi dago.

Zuetako norbaitek uste al du hemendik eta lau urteetara Donostian egiten den bezela, plenoak zuzenean Internet bidez transmititzera helduko garenik ? Portzierto, doako zerbitzuak erabiliz eta euro bakar bat ere gastatu gabe ?

Oharra: Idatzian argi dagoela esango nuke, baina badaezpada ere argi lagatzeko: mezu hau ez doa gaur eguneko udal taldeari kritikatzeko asmoarekin, izatekotan, egon diren guztiei zuzendutakoa izango litzateke, baina beti ere kritika konstruktiboak egiten  😉

 

Telefono mugikorra erabiltzeak minbizia eragin lezake ? (II)

Gai honek eztabaida asko sortu izan du azken urteotan. Nik onartzen det inork ez dakiela zientziak gai honi buruz hemendik eta 100 urtera zer esango duen, agian egia izango da teknologia hau kaltegarria dela eta 100 urte behar direla hori frogatzeko, baina izango ez balitz zer ?

Batzuk diote inork ez duela kontrakoa frogatu, hau da, inork ez duela frogatu kaltegarriak ez direnik, baina hori, nire lagun batek twitter-en zioen moduan, argumentu maltzurra da. Honi erderaz “Prueba diabólica” deitzen zaio. Wikipediako artikuluan ondo azaltzen da, irakurtzea merezi du.

Hala ere batek baino gehiagok esango du badaezpada ere, zai egotea merezi duela:  “badaezpada egon gaitezen adibidez 50 urte teknologia hau aztertzen, eta gero kaltegarria ez dela ikusten bada, erabili dezagun“.

Pentsa dezagun une batez nolakoa izango zen mundua orain dela 100 urte, irratia asmatu zenean, erabaki hauxe bera hartu izan balute: besteak beste ez genituzke gaur egun ditugun komunikazio sistemak izango, gaur egun gizakiok erabiltzen ditugun eta bizitza errazten diguten asmakizun asko ez ziren existituko.

Garai batean mitoak eta erlijioak agintzen zuten, jendeak ez zuen kulturarik, eta itsu-itsu jarraitzen ziren gutxi batzuen esanak, herritar xumea oso erraz manipulatzen zen. Gaur egun kultura oso zabaldua dago, ia edozeinek egin ditzake goi mailako ikasketak eta zientifiko onak ditugu, baina kontraesana badirudi ere, askotan nahiago izaten dugu zientziak dioena baztertu eta batzuen susmoei, intuizioari eta bibrazioei kasu gehiago egiten diogu.

Eta ohitura hau oso zabaldua dago. Orain dela egun batzuk hil da Steve Jobs, Apple enpresaren burua, baina publikatu dena egia bada, bere bizitza salbatu zezaken operazioa 9 hilabetez atzeratu zuen, dieta berezi bat jarraituz osatzeko esperantzaz. Azkenean operatu zuten, baina beranduegi.

Gonbidapentxo bat: EITBko Escepticos programan gai honi buruz esandakoa ikusi, eta gero bakoitzak pentsa dezala nahi duena, baina informatuta behintzat.