Tag Archives: teknologia

Scratch-ekin lehen urratsak ematen

Scratch umeei bereziki zuzendutako aplikazio informatikoa da. Ezaugarri oso interesgarriak ditu, eta horregatik hasi naiz honekin jolasten. Oraindik beta fasean dagoen nire lehen jolasa aurkezten dizuet, ea zer iruditzen zaizuen.

Sorgina Piruliña oso okerra da, eta geziren batek jotzen dioenean, edozer botako du. Kontuz, zerbaitek daletzen badizu, bizitza bat kenduko dizu eta !!

  • Gizontxoa mugitzeko: a eta s erabili
  • Apuntatzeko: Eskuin eta ezkerreko geziak
  • Gezia jaurtitzeko: Espazioko tekla (zuriunea)

50 gezi dituzu, horiek bukatzen direnan jokua bukatzen da. Zure punterixa nolakoa den jakitzeko markadorea ere badezu, apuntatu ondo. Ea zenbat puntu lortzen dituzun.  🙂

Scratch Project

Scratch eguneko gunean irakurri dezakezuen informazioaren zati bat jartzen dizuet. Auskalo, agian ez dago urruti Mutrikun ospatuko den lehen Scratch Eguna.

Aplikazio honek, interfaz errez baten bitartez ordenagailuen programazioari lotutako kontzeptuak ikertzeko eta esperimentzatzeko aukera eskeintzen du. Scratchek ikasgelan, besteak beste, hurrengo aukerak eskaintzen ditu:

  • Pentsakera logiko eta algoritmikoa garatzea
  • Era ordenatuan eta metodikoan arazoak ebazteko metodoak garatzea
  • Nork bere lanari buruzko autodiagnosia egiteko ohitura garatzea
  • Nork bere ideiak zalantzan jartzeko ahalmena garatzea
  • Abiapuntu sinpleetatik emaitza konplexuak lortzeko aukera
  • Norberaren gaitasunen arabera, erritmo egokian lan egiteko aukera
  • Kontzeptu matematikoak ikasi eta bereganatzeko/barneratzeko aukera: koordenatuak, aldagaiak, algoritmoak, ausazkotasuna
  • Programazioaren oinarriak ikasteko aukera
  • Baliabide desberdinak erabiltzeko aukera: soinuak, irudiak, testuak, grafikoak…
  • Ezagutzaren trukearen bitartez elkarrekiko ikasketa ahalbideratzea
<a href=’http://scratch.mit.edu/projects/parreitu/2451830′><img src=’http://scratch.mit.edu/static/projects/parreitu/2451830_med.png&#8217; width=’425′ height=’319′ alt=’Scratch Project’></a>
Advertisements

Google Analytics-eko ikastaroa

Gaur Gasteizen egon naiz, EnpresaDigitalak antolatutako Google Analytics ikastaroan.

Google Analytics gure web guneetan mugitzen den trafikoa aztertzeko balio duen tresna bat da, Googleek guretzako dohan lagatzen duena.

5 ordu izan dira, eta nahiko azkar ikusi dugu tresna honek eskaintzen diguna. Astirik ez sakontzeko, baina ikusi ahal izan dugu bere potentziala, eta baita ere zenbait gauza nolako erraz egin daitezkeen.

Irakasleak esandako gauza batekin geratu naiz. Berak dioenez (eta arrazoia dauka), enpresetan sarritan diru asko balio duten tresnak erosten ditugu, jakin gabe guretzako onak diren ala ez: Onenak omen dira, beraz niretzako ere aproposenak izango dira.

Ba ez, tresnak aukeratzerakoan kontutan izan behar degu zenbat balio duten (piratarik ez), eta zer kostatzen zaigun martxan jartzea.

Askotan tresna xinple bateri oso konplexua denari baino etekin gehiago aterako diogu. Makina bat aplikazio garesti erosten dira gero martxan ez jartzeko.

Ikastaroa ondo egon da.

Bertan ikusi ditugu Mondragon Unibertsitateko Joxe Aranzabal eta bere lankide bat (izena ahaztu zait)

Portzierto, Google Analytics erabili nahi badezu, esan digutenez orain eskaerak aste betean tramitatzen dituzte.

Aspaldi eskatuta badezu eta erantzunaren zai bazaude, eskatu berriro, eta aste betean hor izango dezu zure kontua.

Ondo izan.

Teknologia berrien aplikazioa hezkuntzan

Gaur Miramonen egon naiz egun osoan, Teknologia berrien aplikazioa hezkuntzan izeneko jardunaldian.

Jardunaldiaren programan hainbat puntu interesgarri zeuden: eduki digitalak nola sortu, bideo edizioa, streaming, eta abar. Itxura oneko jardunaldia beraz, eta horregatik apuntatu ginan (Joseba lankidearekin joan naiz).

Apple teknologia

Sartu eta berehala, zerbait arrarua somatu degu. Apple-eko dokumentazioa eman digute. Antolatzaileek tranpa txiki bat egin digute.

Jardunaldiari buruzko informazioan ez zuten ezertarako Apple aipatzen, baina jardunaldian Apple teknologia aurkeztu digute.
Ez gaude ohituta teknologia honetara, baina teknologia ona da, beraz, tranpa txiki horregatik ez naiz haserretu.

Eguna aprobetxatu degu Mac sistemak eskeintzen digutena ikusteko, eta esan beharra dago ikusgarria dela. Beti entzun izan det diseinu grafikoan dabiltzatenak Apple sistemak erabiltzen dutela, eta ikusitakoak ikusita, logikoa da.

Nik Windows eta Linux sistemak erabiltzen ditut, eta software librearen defendatzailea naiz, baina onartu beharra dago multimedia makina onena gaur egun Mac dela.

Mac sistemak fakultatean ikusi nituen lehenengoko aldiz (zeukan Risk jokuaren bertsioa oso ona zan). Bigarren aldiz orain dela hamar urte, nire lankidea izan zen Karoliñe Zubizarretak erabiltzen zuena, eta hirugarren aldiz denbora labur batez lankidea izan den Iñaki Irazabalbeitiak erabiltzen zuena.

Aplikazioa hezkuntzan

Bi erakustaldi praktiko ikusi ditugu: Berastegiko J.A. Muñagorri eskola eta Elorrioko Institutua.

Ikusgarriak izan dira. Pasada bat da 5 urteko umeen talde bat podcasting egiten ikustea, internet bidez irrati digitala !! , baina ez hori bakarrik: 10 urteko haurrak gidoia egin eta pelikulak grabatzen ikusi ditugu, gero beraiek bideo edizioa egin eta bideoak herriko intranetean lagatzen dute edozeinek etxetik ikusteko.

Eurak esan duten bezela, Berastegi herri txikia da (mila biztanle), nekazal herria, baina punta puntako teknologia erabiltzen dute txiki txikitatik.

Ikusgarria zan umeak ikustea teknologia hauek lasai erabiltzen, eta gauza potenteak egiten. Hainbat enpresak euron produktuak saltzeko beharko lituzketen teknologiak, 5-10 urteko haurren eskuan.

Hauek bai, besteak zergatik ez ?

Bi ikastetxe hauek egin dutena ez da gauza arrunt bat, beste ikastetxeetan ez dira holako esperientziak ikusten.

Erakutsi digutena Apple teknologiakin egindako da. Egia da teknologia honek gauzak asko errazten dituela, baina beste teknologiak erabiliz (Linux, Windows) antzerako gauzak egin daitezke (lan gehiagorekin, baina egin daitezke). Zergatik ez dira egiten ?

Galdera honen erantzuna seguru ez dela erreza, faktore asko egongo dira hor tartean, baina esandakoak entzunda, nere ustez gakoa motibazioa da. Honelako proiektuak lana eskatzen dute, inplikazio pertsonala, eta ikastetxe hauetan erakutsi digutenez, jende inplikatua dago. Emaitzak ikusgarriak dira.

Beste ikastetxe batzuetan egiten diren adibideak ikusi nahi badezue: Erain Ikastetxea, Institucio Montserrat

Scilab, ingeniaritzarako software aproposa software librean

Nik zorionez ez det holako tresnarik behar, baina seguru jende askorentzat tresna egokia izango dela.

Scilab kalkulu zientifikorako erabiltzen den tresna da: matematika, algebra, eta abar.

Hemendik deskargatu dezakezu. Windows, Linux eta MAC OS X sistementzako bertsioak dauzkate. Erderaz manual bat ere badago.

Eta guzti hau, berriz ere, software libreari esker.

Linux eta wifi sareak

Artikulu honetan linux ordenagailu bat wifi sare batera nola konektatzen den azaltzen det.

Demagun wifi sare batera konektatu nahi duzula, eta nik bezela, GNU/LINUX erabiltzen duzula.  Zure sareak WEP enkriptazioa erabiltzen badu pentsatu hori aldatu behar dezula. WEP ez da enkriptazio segurua, pare bat minututan apurtu daiteke. Nik WPA+PSK+TKIP enkriptazioa erabiltzen det, hori gaur egun behintzat segurua da.

Ondoren azaltzen dizuet hau martxan jartzeko emandako pausuak. Nik KUbuntu Linux erabiltzen det.

Lehenengo wpasupplicant izeneko paketea instalatu behar da:

apt-get install wpasupplicant

Gero /etc/wpa_supplicant.conf editatu eta konfiguratu. Demagun zure wifi sarearen konfigurazioa hau dela:

SSID: etxekowifia
pasahitza: goralinux

Konfigurazio fitxategian pasahitza enkriptatuta idatzi behar da. Hau lortzeko, wpa_passphrase agindua exekutatuko degu kontsola baten eta bi parametro emango diogu: SSIDa eta pasahitza.

:~# wpa_passphrase etxekowifia goralinux

network={
ssid=”etxekowifia”
#psk=”goralinux”                    psk=dd237f72db18ed67f7872b5d91b2c3d69003b420a3f93ee4afa1d2fcf2363c32 }

Sistemak ematen digun konfigurazio hau erabilita /etc/wpa_supplicant.conf fitxategia editatu eta honela utziko degu:

ctrl_interface=/var/run/wpa_supplicant ap_scan=2

network={
ssid=”etxekowifia”
scan_ssid=1
proto=WPA
key_mgmt=WPA-PSK
pairwise=TKIP
group=TKIP  psk=dd237f72db18ed67f7872b5d91b2c3d69003b420a3f93ee4afa1d2fcf2363c32 }

 

Azkenekoa falta zaigu. Demagun gure wifi interfazea eth1 dela. Sareko konfigurazioa aldatuko degu interfaze hau aktibatzerakoan wpa enkriptazioa erabili dezan.

Hau egiteko /etc/network/interfaces fitxategia editatu behar degu eta lerro hauek jarri eth1 interfazerako.

auto eth1
iface eth1
inet dhcp
pre-up /etc/init.d/wpasupplicant start
pre-up sleep 5
post-down /etc/init.d/wpasupplicant stop

Konfigurazio honekin, sarea arrankatzen duenean eth1 automatikoki konektatzen saiatuko da eta dhcp bidez IP helbide bat eskatuko du.

Sarea arrankatu eta IPa ez badu lortu, probatu agindu honekin lortzen duen:

dhclient eth1

Ez badugu nahi automatikoki martxan jartzea, “auto eth1” kendu egin behar da.

DHCP bidez IP ez badu hartzen, IP fijoa bada, honela konfiguratuko genuke (address, netmask eta gateway benetakoak jarrita)

auto eth1
iface eth1
inet static
address 192.168.12.2
netmask 255.255.255.0
gateway 192.168.12.1
pre-up /etc/init.d/wpasupplicant start
pre-up sleep 5
post-down /etc/init.d/wpasupplicant stop

Hau da guztia.  🙂

GNU/LINUXen WEP enkriptaziorako badaude tresna grafikoak guzti hau konfiguratzeko, WPA enkripatziorako oraindik ez, baina ikusten dezuen moduan, ez da zaila.

Hau egiteko Interneten aurkitu ditudan orriak hemen daude

 

Elkarrizketa interesgarrixak

Lehen ere (gaur oso produktibo nabil) aipatu det Gariri egin behar zioten elkarrizketa grabatzeko asmoa neukala.

Grabatzen
jarri det, baina badaezpada zuzenean entzun det, eta esan beharra dago
oso interesgarrixa izan dala. Gari beti bezela oso ondo ideia
konplexuak edonork ulertu dezakeen era xinple baten azaltzen.

Garik esan du oraintxe bertan: Nere lankidea den Luistxo Fernandez-ek esaten du ikasle guztiek izan beharko luketeela blog bat. Gu hortan gabiltza, ea denbora gutxi barru honi buruz berri onak eman ahal ditugun !!

Garin aurretik Interneteri buruz aritu da Pepe (nire irakaslea izandakoa) eta ondoren Wikipedia-ri buruz Julen aritu da. Hauek ere oso ondo.

Grabazioak huts egin du. Hasi da, baina minutu gutxira moztu egin da eta ez naiz konturatu.